ಬ್ರಹ್ಮಾವರ ಟೀಂ ಈಶ್ವರ ಮಲ್ಪೆ ಅವರಿಂದ ಶ್ರವಣ ತಪಾಸಣೆ ಇಯರ್‌ ಫೋನ್‌, ಬ್ಲೂಟೂಥ್‌ ಬಳಕೆಯಿಂ ಕಿವಿಗೆ ಹಾನಿ
ಬ್ರಹ್ಮಾವರ ಟೀಂ ಈಶ್ವರ ಮಲ್ಪೆ ಅವರಿಂದ ಶ್ರವಣ ತಪಾಸಣೆ ಇಯರ್‌ ಫೋನ್‌, ಬ್ಲೂಟೂಥ್‌ ಬಳಕೆಯಿಂ ಕಿವಿಗೆ ಹಾನಿ
Webnews kannada: ಬ್ರಹ್ಮಾವರ ಟೀಂ ಈಶ್ವರ ಮಲ್ಪೆ ಅವರಿಂದ ಶ್ರವಣ ತಪಾಸಣೆ ಇಯರ್‌ ಫೋನ್‌, ಬ್ಲೂಟೂಥ್‌ ಬಳಕೆಯಿಂ ಕಿವಿಗೆ ಹಾನಿ ಪ್ರಜಾವಾಣಿ ವಾರ್ತೆ ಬ್ರಹ್ಮಾವರ : ಯುವ ಜನಾಂಗ ಇಂದು ಮೊಬೈಲ್‌ ಬಳಕೆಯೊಂದಿಗೆ ಬ್ಲೂಟೂಥ್‌ ಮತ್ತು ಇಯರ್‌ ಪೋನ್‌ ಬಳಹೆ ಮಾಡುತ್ತಿದ್ದು, ಇದರಿಂದ ಕಿವಿಗೆ ಹೆಚ್ಚಿನ ಹಾನಿಯಾಗುತ್ತದೆ ಎಂದು ಡಾ.ಅನ್ವಿತಾ ಕಲ್ಮಾಡಿ ತಿಳಿಸಿದರು. ಬ್ರಹ್ಮಾವರದ ಹಿರಿಯ ನಾಗರಿಕರ ಸಂಘದ ಕಚೇರಿಯಲ್ಲಿ ಶುಕ್ರವಾರಟೀಂ ಈಶ್ವರ ಮಲ್ಪೆ ಅವರ ತಂಡದ ವತಿಯಿಂದ ಬ್ರಹ್ಮಾವರ ಬಾರ್ಕೂರು ಲಯನ್ಸ್ ಕ್ಲಬ್, ಇಂಡಿಯನ್ ರೆಡ್ ಕ್ರಾಸ್ ಸಂಸ್ಥೆ, ಬ್ರಹ್ಮಾವರ ತಾಲ್ಲೂಕು ಕಾರ್ಯನಿರತ ಪತ್ರಕರ್ತರ ಸಂಘ,ಹಂದಾಡಿ ಗಾಮ ಪಂಚಾಯಿತಿ, ಬಿಲ್ಲವ ಸಂಘ, ಬಿಲ್ಲವ ಮಹಿಳಾ ಘಟಕ, ಅಭಯ ಹಸ್ತ ಸೇವಾ ಫೌಂಡೇಶನ್‌, ಹೋಲಿ ಫ್ಯಾಮಿಲಿ ಕ್ಯಾಥೋಲಿಕ್‌ ಚರ್ಚ್‌ನ ಸಹಯೋಗದಲ್ಲಿ ನಡೆದ ಉಚಿತ ಕಿವಿಯ ಶ್ರವಣ ತಪಾಸಣೆಮತ್ತು ಶ್ರವಣ ಯಂತ್ರಕ್ಕೆ ಸಹಾಯಧನ ಕಾರ್ಯಕ್ರಮ, ವಿತರಣಾ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಜನರಲ್ಲಿ ಕ್ರಮೇಣ ಮಾತನಾಡುವ ಅಭ್ಯಾಸ ಕಡಿಮೆಯಾಗುವುದಕ್ಕೆ ಇದು ಕಾರಣವಾಗಲಿರುವುದರಿಂದ ಹಿರಿಯರು, ಹೆತ್ತವರು ಈ ಬಗ್ಗೆ ಜಾಗೃತರಾಗಿ ಮಕ್ಕಳಿಗೆ ಕಡಿಮೆ ಬಳಕೆ ಮಾಡಲು ಮಾಹಿತಿ ನೀಡಬೇಕು ಎಂದು ತಿಳಿಸಿದರು. ಕಣ್ಣು ಮತ್ತು ಹೃದಯಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಿರುವ ನಾವು ಕಿವಿಯ ಬಗ್ಗೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಿಲ್ಲ. ಇದರ ಬಗ್ಗೆ ಅಸಡ್ಡೆ ವಹಿಸುವುದು ಒಳ್ಳೆಯದಲ್ಲ ಎಂದು ಅವರು ಹೇಳಿದರು. ಬ್ರಹ್ಮಾವರ ಹಿರಿಯ ನಾಗರಿಕರ ವೇದಿಕೆ ಅಧ್ಯಕ್ಷ ಭಾಸ್ಕರ ಎಂ. ಶೆಟ್ಟಿ ಮಾತನಾಡಿ ಪ್ರಾಯಕ್ಕೆ ಅನುಗುಣವಾಗಿ ಮಾನವನ ದೇಹದ ಕೆಲವು ಅಂಗಗಳು ವೈಫಲ್ಯ ಕಾಣಬಹುದು. ಅದಕ್ಕೆ ವೈಜ್ಞಾನಿಕವಾಗಿ ಇರುವ ಉಪಕರಣಗಳ ಬಳಕೆಗೆ ಸಂಕೋಚ ಮಾಡಬಾರದು ಎಂದರು. ಹಂದಾಡಿ ಗ್ರಾಮ ಪಂಚಾಯಿತಿ ಪಿಡಿಓ ದಿನೇಶ ಶೆಟ್ಟಿ, ಲಯನ್ಸ್ ಕ್ಲಬ್ ಅಧ್ಯಕ್ಷ, ಸುದೇಶ ಹೆಗ್ಡೆ , ಟೀಮ್ ಈಶ್ವರ ಮಲ್ಪೆಯ ಸಂಚಾಲಕ ಲವ ಬಂಗೇರ, ಬ್ರಹ್ಮಾವರ ರೋಟರಿ ಮಾಜಿ ಅಧ್ಯಕ್ಷ ಅಲ್ವಿನ್ ಅಂದ್ರಾದೆ, ಬ್ರಹ್ಮಾವರ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜೇಶ ಗಾಣಿಗ ಅಚ್ಲಾಡಿ , ರೆಡ್ ಜ್ರಾಸ್ ಸಂಸ್ಥೆಯ ಉಪಾಧ್ಯಕ್ಷ ರಾಜಾರಾಮ ಶೆಟ್ಟಿ ಇದ್ದರು. ಮೇಜರ್ ಜಿ.ಬಾಲಕೃಷ್ಣ ಶೆಟ್ಟಿ ಸ್ವಾಗತಿಸಿ, ವಂದಿಸಿದರು.3
