ಪಾಟ್ನಾ: ತಾಯಿ ಎದೆಹಾಲು ಅಮೃತಕ್ಕೆ ಸಮ ಎಂಬ ಮಾತಿದೆ ಆದರೆ ಇಲ್ಲೊಂದು ವಿಲಕ್ಷಣ ಪ್ರಕರಣದಲ್ಲಿ ಮಗುವಿಗೆ ನೀಡಲಾಗುವ ತಾಯಿಯ ಎದೆ ಹಾಲಿನಲ್ಲೇ ವಿಷಕಾರಿ ಯುರೇನಿಯಂ ಅಂಶ ಪತ್ತೆಯಾಗಿರುವ ಆಘಾಕಾರಿ ಅಂಶ ಬೆಳಕಿಗೆ ಬಂದಿದೆ.

ಹೌದು.. ನವಜಾತ ಶಿಶುವಿನ ಜೀವನಕ್ಕೆ ಅತ್ಯಂತ ಸುರಕ್ಷಿತ ಮತ್ತು ಪವಿತ್ರವಾದ ಪೌಷ್ಟಿಕಾಂಶದ ಮೂಲವೆಂದು ಪರಿಗಣಿಸಲಾದ ತಾಯಿಯ ಹಾಲಿನಲ್ಲೇ ವಿಷ ಬೆರೆತಿರುವ ಆಘಾತಕಾರಿ ಪ್ರಕರಣ ಬಿಹಾರದಲ್ಲಿ ವರದಿಯಾಗಿದೆ. ಬಿಹಾರದಲ್ಲಿ ಅಂತರ್ಜಲ ಮಾಲಿನ್ಯದ ಸಮಸ್ಯೆ ನವಜಾತ ಶಿಶುಗಳ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತಿದೆ.

ದೆಹಲಿಯ ಏಮ್ಸ್ ಸಹಯೋಗದಲ್ಲಿ ಪಾಟ್ನಾದ ಮಹಾವೀರ ಕ್ಯಾನ್ಸರ್ ಸಂಸ್ಥಾನವು ಜೀವರಸಾಯನಶಾಸ್ತ್ರ ವಿಭಾಗದ ಡಾ. ಅಶೋಕ್ ಶರ್ಮಾ ಅವರ ನೇತೃತ್ವದಲ್ಲಿ ನಡೆಸಿದ ಸಂಶೋಧನೆಯಲ್ಲಿ ಈ ಆಘಾತಕಾರಿ ವಿಚಾರ ಬಹಿರಂಗಗೊಂಡಿದ್ದು, ಪ್ರತಿಷ್ಠಿತ ವಿಜ್ಞಾನ ಜರ್ನಲ್ ನೇಚರ್‌ನಲ್ಲಿ ಈ ವರದಿ ಪ್ರಕಟವಾಗಿದೆ.

ಈ ಅಧ್ಯಯನವು ಬಿಹಾರ ರಾಜ್ಯದ ಆರು ಜಿಲ್ಲೆಗಳ ಪ್ರತಿಯೊಬ್ಬ ಹಾಲುಣಿಸುವ ಮಹಿಳೆಯ ಹಾಲಿನಲ್ಲಿ ಯುರೇನಿಯಂ ಕಂಡುಬಂದಿದೆ ಎಂದು ಬಹಿರಂಗಪಡಿಸಿದೆ. ಇದು ಕೇವಲ ವೈಜ್ಞಾನಿಕ ದತ್ತಾಂಶವಲ್ಲ, ಆದರೆ ವಿಷವು ಈಗ ಮಕ್ಕಳ ದೇಹವನ್ನು ನೇರವಾಗಿ ಅವರ ತಾಯಿಯ ಮಡಿಲ ಮೂಲಕವೇ ಪ್ರವೇಶಿಸುತ್ತಿದೆ ಎಂಬ ಭಯಾನಕ ಸತ್ಯವನ್ನು ತಿಳಿಸಿದೆ.

2021ರ ಅಕ್ಟೋಬರ್‌ನಿಂದ 2024ರ ಜುಲೈ ನಡುವೆ ನಡೆಸಲಾದ ಈ ಸಂಶೋಧನೆಯಲ್ಲಿ ಭೋಜ್‌ಪುರ, ಸಮಷ್ಟಿಪುರ, ಬೇಗುಸರಾಯ್, ಖಗೇರಿಯಾ, ಕಟಿಹಾರ್ ಮತ್ತು ನಳಂದದಲ್ಲಿ 17-35 ವರ್ಷ ವಯಸ್ಸಿನ 40 ತಾಯಂದಿರ ಎದೆ ಹಾಲಿನ ಮಾದರಿಯನ್ನು ಸಂಗ್ರಹಿಸಲಾಗಿತ್ತು. ಅಕ್ಟೋಬರ್ 2021 ಮತ್ತು ಜುಲೈ 2024 ರ ನಡುವೆ ಪಾಟ್ನಾದ ಮಹಾವೀರ್ ಕ್ಯಾನ್ಸರ್ ಸಂಸ್ಥೆಯ ಡಾ. ಅರುಣ್ ಕುಮಾರ್ ಮತ್ತು ಪ್ರೊಫೆಸರ್ ಅಶೋಕ್ ಘೋಷ್ ನೇತೃತ್ವದಲ್ಲಿ ದೆಹಲಿಯ ಏಮ್ಸ್‌ನ ಡಾ. ಅಶೋಕ್ ಶರ್ಮಾ ಅವರ ಸಹಯೋಗದೊಂದಿಗೆ ಈ ಅಧ್ಯಯನ ನಡೆಸಲಾಯಿತು.

ಸಂಗ್ರಹಿಸಿದ ಎದೆ ಹಾಲಿನ ಎಲ್ಲಾ ಮಾದರಿಯಲ್ಲಿ ಯುರೇನಿಯಂ ಪತ್ತೆಯಾಗಿದೆ. ಸಾಂದ್ರತೆಯು 0 ರಿಂದ 5.25 g/L ವರೆಗೆ ಇರುತ್ತದೆ. ಎದೆ ಹಾಲಿನಲ್ಲಿ ಯುರೇನಿಯಂಗೆ ಯಾವುದೇ ಅನುಮತಿಸುವ ಮಿತಿಯಿಲ್ಲ. ಖಗೇರಿಯಾದಲ್ಲಿ ಅತ್ಯಧಿಕ ಪ್ರಮಾಣದಲ್ಲಿ ಕಂಡುಬಂದಿದೆ. ನಳಂದಾ ಅತ್ಯಂತ ಕಡಿಮೆ ಪ್ರಮಾಣ ಕಂಡುಬಂದಿದೆ. ಸುಮಾರು 70% ಶಿಶುಗಳು ಸಂಭಾವ್ಯವಲ್ಲದ ಕಾರ್ಸಿನೋಜೆನಿಕ್ ಆರೋಗ್ಯ ಸಮಸ್ಯೆ ಎದುರಿಸಬಹುದು ಎಂದು ವರದಿಯಲ್ಲಿ ತಿಳಿಸಲಾಗಿದೆ.